Թրամփի իմպիչմենտի գործընթացի շրջանակում հարցաքննության է կանչվել Ջոն Բոլթոնը

● Աշխարհ

31.10.2019 ● 10:40

Թրամփի իմպիչմենտի գործընթացի շրջանակում հարցաքննության է կանչվել Ջոն Բոլթոնը

ԱՄՆ նախագահի ազգային անվտանգության հարցերով նախկին խորհրդական Ջոն Բոլթոնին Ներկայացուցիչների պալատից կանչել են ցուցմունք տալու Դոնալդ Թրամփի իմպիչմենտի գործընթացի շրջանակում, Коммерсант-ի փոխանցմամբ՝ հայտնում է AP-ն:

Աղբյուրի հաղորդմամբ՝ Ջոն Բոլթոնի փաստաբան Չարլզ Կուպերը հայտարարել է, որ իր պաշտպանյալը չի պատասխանի հարցերին՝ առանց ծանուցագիր ստանալու:

Հայտնի է, որ Բոլթոնը դեռևս նախագահի խորհրդականի պաշտոնում եղած ժամանակ դժգոհություն էր հայտնել Ուկրաինայի նկատմամբ Թրամփի վարչակազմի վարած քաղաքականությունից: Մասնավորապես, նա գոհ չէր ԱՄՆ նախագահի փաստաբան Ռուդոլֆ Ջուլիանիի մասնակցությունից:

ԱՄՆ նախագահի նկատմամբ իմպիչմենտի գործընթացը Կոնգրեսի Ներկայացուցիչների պալատը նախաձեռնել է Ուկրաինայի նախագահ Վլադիմիր Զելենսկիի հետ Դոնալդ Թրամփի հուլիսյան հեռախոսազրույցից հետո: Պարզվել է, որ զրույցի ընթացքում Թրամփը ուկրաինացի գործընկերոջը խնդրել է հետաքննություն սկսել ԱՄՆ նախկին փոխնախագահ Ջո Բայդենի որդու՝ Հանթեր Բայդենի գործունեության վերաբերյալ:

Աղբյուրը՝ Tert.am

● Այս խորագրի վերջին նյութերը

Մոսկվայում տղամարդը հեռախոսի պատճառով ընկել է մետրոյի ռելսերին

08.11.2024 ● 15:13

Անզգույշ ուղևորը բարեբախտար չի տուժել:

«Չելսի»-ն ջախջախիչ հաշվով պարտության մատնեց «Նոա»-ին (տեսանյութ)

08.11.2024 ● 08:18

«Չելսի»-«Նոա»` 8:0:

1-1,5 մլն դոլար. Sotheby’s-ը կպչուն ժապավենով պատին ամրացված բանանով ինստալյացիան աճուրդի կհանի

07.11.2024 ● 19:39

Բանանը գնել է 30 ցենտով. ավելի ուշ ինստալյացիան վաճառվել էր 120,000 դոլարով՝ միջազգային մամուլում բուռն քննարկումներ առաջացնելով ժամանակակից արվեստի ընկալման և արժևորման մասին: