Հայաստանի երիտասարդական կուսակցության նախագահ Վահան Բաբայանն այսօր հրավիրված մամլո ասուլիսին ներկայացել էր Չե Գևարայի պատկերով կարմիր վերնաշապիկով։

Լրագրողները հետաքրքրվել են՝ ինչո՞ւ է Վ. Բաբայանը ասուլիսին ներկայացել հատկապես այդ հագուստով.

-Ես ըտենց էլ գիտեի, որ այդ հարցը տալու եք։ Հագուստի խնդիր չկա. ուղղակի այն մարդը, ով պատկերված է այս հագուստի վրա, ամբողջ աշխարհում երիտասարդության, պայքարի, ազատության խորհրդանիշն է։ Դա էլ է ուղերձ, որ անձամբ ես երբևիցե չեմ եղել ինչ-որ պետական պաշտոններում, և այն լրագրողներին, ովքեր փորձել են կարիերիզմի մեջ մեղադրել ինձ, ուղղակի ուզում եմ ցույց տալ, որ նման խնդիր չկա։

Հիշեցնենք, որ ասուլիսը հրավիրված էր տեղեկացնելու, որ ՀԵԿ-ը դուրս է գալիս ՄԻԱԿ-ի կազմից։

7or.am