ԱԱԾ ոչնչացված փաստաթղթերը վերականգնվել են, դրանք ներքին շրջանառության փաստաթղթեր են եղել, և դրանցում որևէ քրեական գործ չի եղել. «Ժողովուրդ»

● Քաղաքական

23.10.2019 ● 11:35

ԱԱԾ ոչնչացված փաստաթղթերը վերականգնվել են, դրանք ներքին շրջանառության փաստաթղթեր են եղել, և դրանցում որևէ քրեական գործ չի եղել. «Ժողովուրդ»

«Ի՞նչ ճակատագիր ունեցան ԱԱԾ-ում ոչնչացված փաստաթղթերը, որոնց մասին հայտարարել էր վարչապետ Նիկոլ Փաշինյանն այս տարվա մայիսի 8-ին՝ իր գործունեության մեկամյակն ամփոփող ասուլիսի ընթացքում:

«Ազգային անվտանգության ծառայությունում արդեն մի քանի ամիս ընթանում է ծառայողական քննություն, որովհետև նախորդ իշխանությունները, ըստ ծառայողական նյութերի, հեղափոխությունից որոշ ժամանակ առաջ Ազգային անվտանգության ծառայության նյութեր են ոչնչացրել», - ասաց վարչապետը: Կատարվածը հանցագործություն որակելով՝ նա ավելացրել էր. «Ես իրավաբան չեմ, բայց իմ քաղաքական գնահատականն այն է, որ դա հանցագործություն է: Էդ Նյութերն իրենց սեփականությո՞ւնն էին, որ ոչնչացրել են: Այդտեղ կարող էին լինել նյութեր բազմաթիվ բաների մասին: Ուրվական գործ է, սա շատ լուրջ հետևանքների պետք է բերի»:

Հայտարարությունից 5 ամիս անց «Ժողովուրդ» օրաթերթը գնացել է այս փաստաթղթերի հայտնաբերման գործի հետքերով: ԱԱԾ տնօրենի տեղակալ, գեներալ -լեյտենանտ Ստեփան Մելքոնյանը «Ժողովուրդ» օրաթերթին տված բացառիկ հարցազրույցում հայտարարել է, որ դրանք ներքին շրջանառության փաստաթղթեր են եղել, որոնք բոլորը վերականգնվել են: «Ես ասեմ, որ բոլոր փաստարկները փաստացի վերականգնված են և այդպիսի փաստարկում չկա, որ...: Մի ծառայությունից մյուս ծառայություն է չէ՞ գնում գրագրությունը, այդ իրենց ֆունկցիաներով ամեն ինչ վերականգնված է»,- վստահեցրել է ԱԱԾ փոխտնօրենը: Նրա խոսքերով՝ որևէ քրեական գործ դրանցում չի եղել, դրանք բացառապես ներքին շրջանառության փաստաթղթեր են եղել: Առանց բացելու փաստաթղթերի բովանդակությունը, Ստեփան Մելքոնյանը «Ժողովուրդ» օրաթերթին ասել է, որ դրանց անհետացմանը վերաբերող ծառայողական քննության արդյունքները, ըստ ամենայնի, շուտով կներկայացնեն հանրությանը»,-գրում է թերթը։

Նյութն ամբողջությամբ կարդացեք թերթի այսօրվա համարում:

● Այս խորագրի վերջին նյութերը

18+ մեկնաբանություններ՝ Փաշինյանի՝ Էթիկա սովորեցնելու գրառման տակ

28.12.2024 ● 15:23

Նիկոլ Փաշինյանի գրառման տակ բազմաթիվ մեկնաբանություններ են, որոնք հիմնականում քննադատություն են, հայհոյանք, վիրավորանք։

Թանկացման թալանը ոչ մի օգուտ չի կարող տալ, բացի քաքաղացիների կյանքը դժվարացնելուց

28.12.2024 ● 14:12

Սա ևս մեկ անգամ ապացուցում է, որ վերգետնյա և ստորգետնյա ավտոկայանատեղիների պակաս ունենք, քանի որ մարդիկ իրականում պետք է ավելի շատ օգտվեին ավտոկայանատեղերից, քան Ա և Բ գոտիներից։

Անդրանիկ Թևանյանի հարցազրույցը «ANNA news»-ին (տեսանյութ)

28.12.2024 ● 11:48

Անդրանիկ Թևանյան․ «ANNA news»-ի գլխավոր խմբագիր Անատոլի Մատվիյչուկի հետ զրույցում անդրադարձել եմ հայ-ռուսական հարաբերություններին, տարածաշրջանային անվտանգային խնդիրներին և 2025-ին սպասվող զարգացումներին առնչվող հարցերի։