Մայիսի 7-ին ժամը 12-ին Էրեբունի բիզնես կենտրոնի դահլիճում կկայանա Հայ Յեղափոխական Դաշնակցության Հայ Դատի հանձնախմբերի հերթական խորհրդաժողովի բացման հանդիսավոր նիստը։

ՀՅԴ Հայ Դատի հանձնախմբերի խորհրդաժողով

Երևան-Ստեփանակերտ

6-10 Մայիսի 2010թ.

ՀՅ Դաշնակցության Հայ Դատի հանձնախմբերի ներկա խորհրդաժողովը երրորդն է, որ գումարվում է Երեւանում եւ Ստեփանակերտում: Մասնակցում են Հայ Դատի հանձնախմբերի անդամներ,գրասենյակների պատասխանատուներ, ՀՅԴ մարմինների ներկայացոււցիչներ ներկայացնելով հետեւեալ երկրները'  Անգլիա,Արգենտինա, ԱՄՆ, Արաբական Միաց. Էմիրություններ, Արցախ,Ավստրալիա, Բելգիա, Բուլղարիա, Բրազիլիա, Եգիպտոս, Իրան, Լիբանան, Կանադա, Հայաստան, Հոլանդիա, Հունաստան, Ուրուգվայ,Ռուսաստան, Սիրիա,Վրաստան, Քուվեյթ, Ֆրանսիա, Ավստրիա, Գերմանիա, Իտալիա, Կիպրոս, Երուսաղեմ, Շվեդիա։

Խորհրդաժողովի նպատակն է միջազգային իրադարձությունների եւ Հայաստանի Հանրապետութեան եւ Արցախի դիմագրաված տարբեր մարտահրավերների ներկա հանգրվանում անդրադառնալ ՀՅԴ Հայ Դատի ռազմավարությանը եւ ՀՅԴ Հայ Դատի հանձնախմբերի եւ գրասենյակների անելիքներին։ Խորհրաժողովի գլխավոր օրակարգերն են Հայոց ցեղասպանության ճանաչման եւ հատուցման ու հայ ժողովրդի իրավունքների ձեռքբերման եւ Արցախի հզորացման խնդիրները։

ՀՅԴ Բյուրոյի Հայ Դատի և քաղաքական հարցերի

Երևանի գրասենյակ