Ալեքսիս Օհանյանը ցանկանում է զարգացնել իր հայերենը

● Աշխարհ

08.10.2019 ● 15:25

Ալեքսիս Օհանյանը ցանկանում է զարգացնել իր հայերենը

Գործարար, «Reddit» կայքի և «Initialized Capital» վենչուրային ընկերության համահիմնադիր Ալեքսիս Օհանյանը կարծում է, որ պետք է աշխատի իր հայերենը զարգացնելու ուղղությամբ: «Արմենպրես»-ի փոխանցմամբ՝ Օհանյանն այս մասին խոսեց Տեղեկատվական տեխնոլոգիաների համաշխարհային համաժողովի շրջանակում լրագրողների հետ զրույցում:

«Իմ գիրքը թարգմանվել է հայերեն, և ես կարիք ունեմ զարգացնելու իմ հայերենը»,-ասաց Օհանյանն ու լրագրողներին հայերեն շնորհակալություն հայտնեց:

Անդրադառնալով համաժողովին՝ Օհանյանը նշեց. «Հիանալի է համաշխարհային լսարան ունենալ այստեղ՝ Հայաստանում, Երևանում, սա հուզիչ պահ է»:

Նա ուրախությամբ նկատեց, որ հայերը սիրում են շախմատը, յուրաքանչյուր տարիքի աշակերտ սովորում է այն: Օհանյանը կարծում է, որ դա հիանալի հիմք է՝ ծրագրավորման մեջ հմտանալու համար:

Օհանյանի կարծիքով՝ Հայաստանը փոքր երկիր է, որը շատ հրաշալի մտքեր ունի. նա դա համարեց ամենալավ տարբերակներից մեկը՝ տնտեսությունը զարգացնելու համար:

● Այս խորագրի վերջին նյութերը

Մոսկվայում տղամարդը հեռախոսի պատճառով ընկել է մետրոյի ռելսերին

08.11.2024 ● 15:13

Անզգույշ ուղևորը բարեբախտար չի տուժել:

«Չելսի»-ն ջախջախիչ հաշվով պարտության մատնեց «Նոա»-ին (տեսանյութ)

08.11.2024 ● 08:18

«Չելսի»-«Նոա»` 8:0:

1-1,5 մլն դոլար. Sotheby’s-ը կպչուն ժապավենով պատին ամրացված բանանով ինստալյացիան աճուրդի կհանի

07.11.2024 ● 19:39

Բանանը գնել է 30 ցենտով. ավելի ուշ ինստալյացիան վաճառվել էր 120,000 դոլարով՝ միջազգային մամուլում բուռն քննարկումներ առաջացնելով ժամանակակից արվեստի ընկալման և արժևորման մասին: