Մալաթիա-Սեբաստիա վարչական շրջանի  դատախազությունում հարուցվել է քրեական գործ' սուտ ցուցմունք տալու նպատակով  պաշտպանի կողմից տուժողներին կաշառելու դեպքի առթիվ: Նախաքննությամբ պարզվել է, որ փաստաբանի կողմից տուժողներին գումար է տրամադրվել խուլիգանության գործով որպես մեղադրյալ ներգրավված անձանց գործողությունների վերաբերյալ նախկինում տրված ցուցմունքներից հրաժարվելու եւ նրանց մեղավորությունը բացառող ցուցմունքներ տալու համար:

Մասնավորապես՝ Հարզդանի կիրճում  գտնվող  □Արջանոց□ ռեստորանի մոտ 2010 ապրիլի 2-ին տեղի ունեցած խուլիգանության դեպքի առթիվ ՀՀ  ոստիկանության' Մալաթիայի  քննչական  բաժնում 2010 թվականի ապրիլի 3-ին հարուցվել է քրեական գործ:  Նախաքննության ընթացքում ձեռք բերված ապացույցներով ԻԻՀ քաղաքացիներ  Ս. Շաքրեհոսեինիին մեղադրանք է  առաջադրվել ՀՀ քրեական օրենսգրքի 258-րդ հոդվածի  3-րդ մասի 1-ին կետով, իսկ Մ. Շառիֆյանին'  ՀՀ քրեական օրենսգրքի 258-րդ հոդվածի 4-րդ մասով եւ որպես խափանման միջոց կիրառվել  կալանավորում, իսկ ռեստորանի մատուցողուհի Հայկանուշ Գալստյանը, պահակ Վաղինակ Եղիկյանն ու ռեստորանի հաճախորդ  Արսեն Խաչատրյանը ճանաչվել են որպես տուժողներ:

Ձեռք բերված ապացույցների համաձայն՝ մեղադրյալների պաշտպանությունը ստանձնած փաստաբանը 2010թ. ապրիլի 12-ից մինչև 14-ն ընկած ժամանակահատվածում  գործով տուժողներ Վ. Եղիկյանին և Հ. Գալստյանին նրանց աշխատատեղում' Հրազդանի կիրճում գտնվող □Արջանոց□ ռեստորանում, տվել է համապատասխանաբար 600 և 700 ԱՄՆ դոլար՝  նախկինում տված ցուցմունքներից  հրաժարվելու եւ նշված մեղադրյալների մեղավորությունը  բացառող սուտ ցուցմունքներ տալու համար:

Դեպքի առթիվ հարուցվել է քրեական գործեր' ՀՀ քրեական օրենսգրքի 340-րդ հոդվածի 1-ին  մասով՝ սուտ ցուցմունք տալու նպատակով տուժողին կաշառելու համար: Քրեական գործն ուղարկվել է ոստիկանություն' Մալաթիայի քննչական բաժին' նախաքննություն կատարելու:

ՀՀ գլխավոր դատախազության
մամուլի  ծառայություն