Բժիշկները կարողացել են զգալիորեն փոքրացնել դերասանուհի Անաստասիա Զավորոտնյուկի գլխուղեղի այտուցը և դուրս բերել դեղորայքային կոմայից։ Այս մասին հայտնում է Mash տելեգրամ ալիքը։

Զավորոտնյուկի փիար տնօրեն Մարինա Պոտապովան ասել է, որ դերասանուհու գիտակցությունը վերադարձել է երեկ երեկոյան։

Այս պահին նա թերապևտիկ բաժնի հիվանդասենյակում է, բժիշկները շարունակում են անհրաժեշտ թերապիան։

Զավորոտնյուկի վիճակի մասին խոսել է բժիշկ, գիտությունների թեկնածու Ալեքսանդր Բրատիկը։ Նա ասել է, որ եթե դերասանուհին գիտակցության է եկել, դա լավ նշան է։

«Ուրեմն հնարավոր է ազդել ուռուցքի և ընդհանուր վիճակի վրա, պայմաններ ստեղծել, որ մարդն ապրի»,–ասել է նա «Երեկոյան Մոսկվա» կայքին։

Հիշեցնենք` սեպտեմբերի 13-ին ԶԼՄ–ները հայտնեցին, որ Անաստասիա Զավորոտնյուկը հիվանդանոցում է. նրա մոտ գլխուղեղի քաղցկեղ են ախտորոշել։

Տեղեկություններ կան, որ դերասանուհին Եվրոպայում է բուժում ստացել։

Վերջերս «Իմ հրանալի դայակի» աստղը չեղարկել էր բոլոր ներկայացումները։ Նա նույնիսկ ներկա չէր ավագ դստեր խանութի բացմանը։

Չորս տարի առաջ քաղցկեղի զոհ է դարձել Անաստասիայի հայրը։

Աղբյուրը՝ armeniasputnik.am