Երևանի Կենտրոն եւ Նորք-Մարաշ վարչական  շրջանների ընդհանուր իրավասության դատարանը ապացուցված է համարել  զենքի գործադրմամբ խուլիգանություն կատարելու համար ոստիկանության ՔՀ խմբի կրտսեր օպերլիազոր Գևորգ Գրիգորյանին նախաքննական մարմնի առաջադրած մեղադրանքը:

Դատարանը հավաստի է համարել մեղադրող դատախազների կողմից ներկայացված ապացույցներն առ այն, որ'  2009թ. դեկտեմբերի 18-ին' 03:20-ի սահմաններում, ոստիկանության' Երևանի վարչության  Մաշտոցի բաժնի Դավիթաշեն բաժանմունքի  ՔՀ խմբի կրտսեր օպերլիազոր  Գևորգ Գրիգորյանը, գտնվելով ալկոհոլի ազդեցության տակ,   «Օմեգա»    գիշերային ակումբի դիմաց  վիճաբանել է  նույն ակումբի  անվտանգության աշխատակիցների, «Պանտեռա սիքյուրիթի» ՍՊ ընկերության  աշխատակիցների հետ եւ  իրեն ամրակցված  «Մակարով» տեսակի ատրճանակից  անկանոն   կրակոցներ արձակել: 

Գ. Գրիգորյանն ընդունել է իրեն առաջադրված մեղադրանքը  և միջնորդել դատական քննությունն անցկացնել արագացված կարգով:

Երևանի Կենտրոն եւ Նորք-Մարաշ վարչական  շրջանների ընդհանուր իրավասության դատարանի 14.04.2010թ.  դատավճռով Գ. Գրիգորյանը հանցավոր է ճանաչվել  ՀՀ քրեական օրենսգրքի  258-րդ հոդվածի 4-րդ մասով և  դատապարտվել 4  տարվա ազատազրկման:

ՀՀ գլխավոր  դատախազության  
մամուլի ծառայություն