Այս տարի լրանում է Սիրուշոյի ամուսնության 10 տարին։ Սիրված երգչուհին նոր լուսանկարներ է հրապարակել, որոնց մեկնաբանություններում հայտնել է, որ հարսանեկան զարդերի հավաքածուն հիմա ներկայացնելը պատահական չէր։

Instagram-յան էջում հրապարակված կադրերում երգչուհին հարսանեկան զգեստով է։ «Պատահական չէ, որ հենց հիմա եմ ներկայացնում հարսանեկան հավաքածուն: Այս տարի լրանում է իմ ամուսնության 10 տարին: Մի մարդու հետ, ով արդեն երկար տարիներ լավագույն ընկերս է, ում ազնվությամբ ու խելացիությամբ չեմ դադարում հիանալ ու հպարտանալ»,- հրապարակումը մակագրել է Սիրուշոն ու բազմաթիվ հաճոյախոսությունների արժանացել:

Մեկնաբանություններին միացել է նաև դերասանուհի, հաղորդավարուհի Նազենի Հովհաննիսյանը։ «Գեղեցիկ, կիրթ ու հավերժ աղջնակ մեր Սիրուշո։ Երջանիկ լինես միշտ` ընտանիքիդ ու սիրուդ հետ միասին։ Ճաշակդ էլ` հարատև»,- գրել է նա։

Աղբյուրը՝ style.news.am