ԱԺ «Իմ քայլը» խմբակցության ղեկավար Լիլիթ Մակունցը հիշեցնում է՝ Ամուլսարի հանքի շահագործման որոշումն իրենց տիրույթում չէ, բայց որպես քաղաքական թիմ ունեն իրենց դիրքորոշումը։ Նա ԱԺ-ում լրագրողների հետ զրույցում նկատեց, որ վարչապետ Նիկոլ Փաշինյանը ֆեյսբուքյան իր ուղիղ եթերի ժամանակ նաև կարևորեց որպես իրավական պետություն գործելը։

Ինչ վերաբերում է հարցին, որ «Իմ քայլը» խմբակցությունում մարդիկ կան, որոնք դեմ էին հանքի շահագործմանը, Մակունցը տեղեկացրեց, որ խմբակցությանը վարչապետ Նիկոլ Փաշինյանի հետ հանդիպմանը ունեցել է քննարկում՝ կապված Ամուլսարի հետ։

«Քննարկումը եղել է վարչապետի ուղիղ եթերի ժամանակ հայտարարած մտքի տրամաբանության մեջ։ Առարկություն առ այն, որ մենք չպետք է գնանք այդ ճանապարհով, խմբակցությունում չի հնչել»,- մանրամասնեց Լիլիթ Մակունցը։

Հարցին, եթե Ամուլսարի պաշտպանները չբացեն հանք տանող ճանապարհը, ապա ուժ կիրառվելո՞ւ է, Մակունցը պատասխանեց՝ հորդորելով սպասել իրավիճակի կոնկրետացման։

Աղբյուրը՝ tert.am