SHAMSHYAN.com-ի տեղեկություններով, ոստիկանության Կենտրոնական բաժնի հետաքննչական բաժանմունքում նյութեր են նախապատրաստվում օգոստոսի 31-ին, Երևանում տեղի ունեցած վիճաբանություն-ծեծկռտուքի փաստով: Ինչպես հայտնում է ֆոտոլրագրող Գագիկ Շամշյանը, ժամը 04:00-ի սահմաններում, ոստիկանության Երևան քաղաքի վարչության օպերատիվ-կառավարման կենտրոն ահազանգ է ստացվել, որ Տերյան փողոցի 105/1 հասցեի մոտ վիճաբանություն և ծեծկռտուք է տեղի ունենում: Դեպքի վայր են ժամանել ոստիկանության Պետական պահպանության գլխավոր վարչության Կենտրոնական պահպանության բաժնի 1-ին վաշտի ծառայողները, ովքեր նկատել են, որ «18+» ակումբի մոտ ծեծկռտուք է տեղի ունենում և մոտենալով՝ կանխել են այն:

Նշված վայրից ոստիկանության Երևան քաղաքի վարչության ՊՊԾ գնդի 3-րդ հատուկ գումարտակի 2-րդ վաշտի ծառայողները որոշ ժամանակ անց միմյանց ծեծի ենթարկելու կասկածանքով ոստիկանության Կենտրոնական բաժին են բերման ենթարկել Երևան քաղաքի բնակիչներ, 28-ամյա Հրայր Հարությունյանին, ում աչքի հատվածում առկա են եղել արյունոտված և պատառոտված վերքեր, 20-ամյա Ռազմիկ Միքայելյանին, ում թևերի վրա առկա են եղել արյունոտված վերքեր և 31-ամյա Արտակ Սախոյանին:

Ոստիկանները պարզել են, որ պատճառը եղել է Հ. Հարությունյանի և Ա. Սախոյանի միջև դիմելաձևի հետ կապված խոսակցությունը, որի ժամանակ էլ իրար չհասկանալով, լեզվակռիվն ավարտվել է ծեծկռուքով: Փաստի առթիվ ոստիկանության Կենտրոնական բաժնի հետանքննչական բաժանմունքում նյութեր են նախապատրաստվում: Գ. Շամշյանի տեղեկություններով, նշված անձինք հրաժարվել են կատարվածի մասին բացատրություն տալուց: