22-ամյա հայտնի բիզնես լեդի Քայլի Ջենները կարող է կլորիկ գումարից զրկվել, եթե բաժանվի դստեր հորից՝ 28-ամյա ռեփեր Թրեւիս Սքոթից։ Այս մասին աստղին զգուշացրել են իրավաբանները։

Ռեալիթի շոուի աստղը ռեփերի հետ մեծացնում է փոքրիկ դստերը՝ Սթորմիին։ Ջեններն ու Սքոթը ամուսնացած չեն, սակայն երեխայի ծննդյան վկայականում պաշտոնապես նշված են երկու ծնողները։ Այժմ սիրահար զույգն ապրում է միասին, նրանք շատ լավ հարաբերություններ ունեն։ Սակայն իրավիճակը կարող է փոխվել, եթե նրանք ցանկանան բաժանվել։

Կալիֆոռնիա նահանգի օրենքով ավելի ապահովված ծնողը պարտավոր է ֆինանսական օգնություն ցուցաբերի ավելի քիչ ապահովվածին։ Միլիարդատիրոջ ստատուսը Քայլիին օրենքի առջեւ խոցելի է դարձնում։

Սույն իրավիճակը պարզաբանել է հոլիվուդյան փաստաբան Դեւիդ Պիզարոն։ «Բանն այն է, որ մինչ նրանք ապրում են մեկ հարկի տակ Քայլիի փողերը կմնան իրեն։ Սակայն, եթե բաժանվեն՝ նա ստիպված կլինի Թրեւիսին վճարել մեկ միլիոն դոլարի չափ գումար։ Ռեփերի եկամուտը մի քանի անգամ քիչ է եւ նա դատարանի միջոցով կարող է երեխայի մորից ֆինանսական աջակցություն պահանջել։ Այ այսպիսի օրենքներ են», - հայտնել է Պիզարոն։

«Պետք է հասկանալ, որ օրենքը նպատակ ունի պաշտպանել երեխայի իրավունքները։ Քայլին երեխային շքեղությամբ է շրջապատում, ինչն էլ նշանակում է, որ Թրեւիսին միջոցներ են հարկավոր լինելու ժառանգի կայնքի նման որակ ապահովելու համար։ Տվյալ պարտականությունը Քայլիի ուսերին է», - Mirror-ը ցիտել է փաստաբանին։

Աղբյուրը՝ style.news.am