Հարգելի պարոն Վարչապետ, այս տարի լրանում է Հայոց ցեղասպանության 95-րդ տարելիցը: Ամբողջ աշխարհի հայությունն այդ օրը սգալու է դարասկզբին թուրք ելուզակի կողմից իրականացված նախճիրը, մեր անմեղ և սուրբ նահատակների հիշատակը: Ամեն տարի ապրիլի 24-ին ողջ աշխարհի հայերը մի մարդու պես դուրս չեն գալիս աշխատանքի, փակում են իրենց աշխատանքի վայրերը' այդ կերպ ևս յուրատեսակ հարգանք  արտահայտելով  անմեղ նահատակների հիշատակին  և բողոքի ձայն բարձրացնելով այն անարդարության դեմ, որի լուռ ականատեսն են աշխարհի հզորները:

Պարոն Վարչապետ, ամեն տարի ապրիլի 24-ին Երևանում կարելի է ականատես լինել  տհաճ տեսարանի, երբ համաժողովրդական վշտի այդ օրը աշխատում են զվարճանքի  հաստատություններ, բացվում են այնպիսի ծառայություններ մատուցող օբյեկտներ, որոնց տերերը գոնե այդ օրը պարտավոր են դուրս չգալ աշխատանքի:

 Մենք՝ հայ երիտասարդներս, դիմում ենք Ձեզ, պարոն Վարչապետ, այն ակնկալիքով, որ Դուք այս տարի խստագույն քայլեր կձեռնարկեք, որպեսզի նմանատիպ տհաճ երևույթները տեղ չգտնեն ապրիլքսանչորսյան համաժողովրդական սգի և ցասման օրը:

Սոցիալ Դեմոկրատ Հնչակյան կուսակցության «Սարգիս Տխրունի» ուսանողական-երիտասարդական միություն

Սոցիալ Դեմոկրատ Հնչակյան կուսակցության «Արչիլ Գորկի» մշակութային միություն

ՀՅԴ  «Նիկոլ  Աղբալյան» ուսանողական միություն

«Հայազն» Երիտասարդների Միաբանություն

Ազատամարտիկների զավակների «Փառքի Պահապաններ» երիտասարդական միավորում

«Ադանա» հայրենակցական միություն