Ամերիկյան International Business Times հրատարակությունը, վկայակոչելով անանուն աղբյուրին, հայտնել է, որ հոլիվուդյան 43-ամյա աստղ Անջելինա Ջոլին սկսել է լրջորեն խնայել երեխաների առնչությամբ։ Պարզվում է՝ նա վեց երեխաներին թույլ չի տալիս բրենդային հագուստ կրել եւ նրանցից պահանջում է սեքնդ հենդից ու բարեգործական խանութներից հագուստ կրել։ Ամեն դեպքում, Մեդոքսը, Պաքսը, Զախարան, Շայլոն, Վիվյենն ու Նոքսը նեղանում են աստղային մայրիկից։

Սակայն ի պատասխան բոլոր հարձակումների` դերասանուհին նշում է, որ ուշադրությամբ հետեւում է վեց երեխաների դաստիարակությանը եւ ձգտում է թույլ չտալ, որ նրանք երես առած մեծանան։

«Ջոլիի ու Փիթի երեխաներն ընկերություն են անում ոչ պակաս հայտնի ընտանիքների երեխաների հետ։ Օրինակ՝ Միլի Բոբի Բրաունի հետ, բայց նա մշտապես դիզայներական հագուստ է կրում»,- ասել է աղբյուրը։ Ամեն դեպքում, դուստրը՝ Շայլոն, որը երազում է լքել մայրիկին ու ապրել հոր՝ Բրեդ Փիթի հետ, հաճախ չի լսում Անջելիանային, այդ պատճառով իրեն թույլ է տալիս կրել Versace-ի ոճային շորտերը։

Հիշեցնենք՝ Անջելինա Ջոլին վեց երեխա ունի՝ որդիներ Մեդոքս Շիվանը, Պաքս Տյենը եւ Նոքս Լեոնը, ինչպես նաեւ դուստրեր Զախարա Մարլին, Շայլո Նուվելը եւ Վիվյեն Մարշելին։ Նրանք բոլորը կրում են Ջոլի-Փիթ ազգանունը, թեեւ միայն երեքն են՝ Շայլոն, Նոքսն ու Վիվյենը, արտիստի եւ նրա նախկին ամուսին Բրեդ Փիթի կենսաբանական երեխաները։

Աղբյուրը՝ style.news.am