Ճանապարհային ոստիկանության ճանապարհատրանսպորտային պատահարների հետաքննոթյան և վարչական վարույթի իրականացման բաժանմունքի հետաքննիչ Վարդան Բաղդասարյանի կողմից նյութեր են նախապատրաստվում օգոստոսի 6-ին Երևանում տեղի ունեցած ավտովթարի փաստով։ Ժամը 12։30-ի սահմաններում Խանջյան փողոցում՝ Ֆուտբոլի ֆեդերացիայի հարևանությամբ, բախվել են Երևանի բնակիչներ՝ 33-ամյա Արտակ Պ-ի վարած BMW մակնիշի 88 MX 888 համարանիշի, 55-ամյա Աբրահամ Ս-ի վարած Honda մակնիշի 35 GM 946 համարանիշի և 31-ամյա Անդրանիկ Ա-ի վարած Opel մակնիշի 35 RO 420 համարանիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով Անդրանիկ Ա-ի ուղևորներ՝ Երևանի բնակիչներ, 5-ամյա Էլիզա Գ-ն և 27-ամյա Աիդա Գ-ն մարմնական վնասվածքներով տեղափոխվել են թիվ 1 համալսարանական հիվանդանոց։

Գ. Շամշյանի տեղեկություններով՝ վարորդներից Արտակ Պ-ն աշխատում է «Լամաքս գրուպ» ՍՊԸ-ում, Աբրահամ Ս-ն՝ գեղարվեստի ակադեմիայի ամբիոնի վարիչ, իսկ Անդրանիկ Ա-ն ծառայում է ՀՀ ՊՆ N զորամասում՝ որպես պայմանագրային զինծառայող։

Մանրամասները՝ shamshyan.com-ում։