«Ամեն ինչից խոսում ենք՝ մոռանալով, որ երկրորդ նախագահն ապօրինաբար գտնվում է կալանքի մեջ: Մենք որպես հասարակական-քաղաքական գործիչներ մեծագույն լկտիությունն ենք ցուցաբերում Ռոբերտ Քոչարյանի հանդեպ: Ուղղակի ապշում եմ՝ մարդիկ, ովքեր այն ժամանակ Ռոբերտ Քոչարյանի մի ժպիտին արժանանալու համար ամեն ինչի պատրաստ էին, հիմա ձայն չեն հանում: Ես ուզում եմ այդ մարդկանց ասել, որ ոչ մեկդ չեք մարսելու դա»,-օգոստոսի 5-ին մամուլի ասուլիսի ժամանակ ասաց քաղաքական գործիչ Մենուա Հարությունյանը:

«Նիկոլ Փաշինյանի մոտ այլևս որևէ քաղաքական օրակարգ՝ բացի սեփական իշխանությունը պահելուց չկա: Նա հասկանում է, որ իշխանությունը թողեց՝ բանտ է նստելու, և որպեսզի իշխանությունը չթողես պետք է ժողովրդի քաղաքականապես տգետ հատվածին խաբես, որ ամեն ինչ լավ է»,-ասաց Մենուա Հարությունյանը․

«Երբ երկրում չկա սահմանադրություն, ու երկիրը կառավարվում է մեկ անձի կամոք ու երկիրը գնում է ակնհայտորեն դեպի դիկտատուրայի՝ ակնկալել, որ խոսքի ազատությունը լինելու է շատ բարձր մակարդակի՝ իհարկե չի լինելու: Գործադիր, օրենսդիր և դատական համակարգերը բռնազավթելուց հետո Նիկոլ Փաշինյանն ամեն ինչ անելու է, որ բռնազավթի 4-րդ իշխանությունը նույնպես»:

Մանրամասն՝ yerevan.today-ի տեսանյութում: