Օգոստոսի 2-ին, ժամը 12:17-ին «911» ծառայությանն ահազանգ էր ստացվել, որ Երևան-Սևան ավտոճանապարհին՝ «Արծվի» արձանի մոտակայքում, տեղի է ունեցել պայթյուն, տուժածներ չկան. անհրաժեշտ է փրկարարների օգնությունը:

Դեպքի վայր են մեկնել ԱԻՆ ՓԾ մարզային փրկարարական վարչության և Ճգնաժամային կառավարման ազգային կենտրոնի օպերատիվ խմբերը:

Վերոնշյալ ավտոճանապարհի մոտ 30 մ հատվածը դարձել էր դժվարանցանելի:

Պարզվել էր, որ Երևան-Սևան ավտոճանապարհի 14-րդ կմ-ին տեղի է ունեցել պայթյուն, ինչի հետևանքով ճանապարհի երթևեկելի հատվածում առաջացել է մոտ 0.6 մ խորությամբ, 1.5 մ լայնությամբ և մոտ 5 մ երկարությամբ փոս:

Պայթյունի հետևանքով վնասվել էին «Patriot Nissan» և «Range Rover» մակնիշների ավտոմեքենաները:

Ավտոճանապարհը երկկողմանի երթևեկելի է: