-Այդպիսի միամիտ սեթևեթանքներին պետք չի, որ մենք պատասխանենք,- անդրադառնալով  Լեռնային Ղարաբաղի հարցերով ԵԽԽՎ ենթահանձնաժողով ստեղծելու մասին ԵԽԽՎ նախագահ Մովլուդ Չավուշօղլուի առաջարկին՝ ասել է ՀՀԿ խմբակցության ղեկավար Գալուստ Սահակյանը։

-Բնականաբար, Թուրքիան փորձում է քիթն ամեն տեղ մտցնել, բայց դա չի նշանակում, որ մենք դրան պետք է պատասխանենք։ Մենք 3 պետությունների համանախագահների կողմից ղարաբաղյան հարցն անընհատ քննարկում ենք, այնպես որ Թուրքիան չի կարող Հարավային Կովկասի կայունության կամ խաղաղության գործիք դառնալ։ Հարավային Կովկասի խաղաղությունը կբնորոշվի Հարավային Կովկասի 3 պետությունների կայուն փոխհարաբերություններով։ Այնպես որ Թուրքիան ինքն արդեն վտանգվում է որպես ժամանակակից պետություն։ Իմիջիայլոց, դա նաև բնորոշվեց նրանով, որ երբ նախաձեռնությունն սկսվեց, այդքան խոսում էին թուրքական դիվանագիտության մասին, բայց օսմանյան ժամանակաշրջանի դիվանագիտությունից հետո աճ էլ չի ունեցել։

7or.am