17.01.2026 ● 19:07
17.01.2026 ● 16:02
16.01.2026 ● 16:20
16.01.2026 ● 14:16
16.01.2026 ● 13:48
16.01.2026 ● 13:04
16.01.2026 ● 09:06
15.01.2026 ● 19:01
15.01.2026 ● 15:38
15.01.2026 ● 13:26
15.01.2026 ● 11:21
15.01.2026 ● 10:13
15.01.2026 ● 10:08
15.01.2026 ● 09:59
«Եթե Նախշուն Տավարացյանը երդվեց, Վճռաբեկ դատարանի նախագահն ու ողջ դատական իշխանությունը պետք է ձեռնպահ մնան արդարադատություն իրականացնելուց»
Ինչպես հայտնի է, այսօր տեղի է ունենալու դատավորների ընդհանուր ժողովը։ 168.am-ի տեղեկություններով 9 ամիս առաջ գրավոր դիմումով Բարձրագույն դատական խորհրդի (ԲԴԽ) անդամ դառնալուց հրաժարված Վճռաբեկ դատարանի դատավոր Նախշուն Տավարացյանը այդ ժողովի ընթացքում պատրաստվում է երդում տալ։
Արդարադատության նախկին նախարար Արփինեն Հովհաննիսյանը 168.am-ի հետ զրույցում, մեկնաբանելով տեղեկությունը, ասաց, որ եթե իր հրաժարականի գրավոր դիմումից 9 ամիս հետո Նախշուն Տավարացյանը երդվեց, սա նշանակում է, որ Վճռաբեկ դատարանի նախագահը և առհասարակ դատական համակարգն ու բոլոր նրանք, ովքեր կհանդուրժեն այդ աղաղակող ապօրինությունը, առաջինը պետք է վեթինգի ենթարկվեն, և լավ կլինի՝ հրաժարվեն իրենց իրավաբանի կոչումից։
«Իսկ քաղաքական իշխանության պրեսինգը իշխանության ճյուղերի վրա, փաստորեն, շարունակվում է, և ակնհայտ է, որ դատական իշխանության շատ ներկայացուցիչներ այդ պրեսինգը սիրով ընդունել են և դարձել հլու-հնազանդ ծառա։ Նախշուն Տավարացյանն այդ կերպ կդառնա գործիք, իսկ դատական իշխանությունը կամլանա»,-եզրափակեց Արփինե Հովհաննիսյանը: