Երևանի քաղաքապետարանի մամուլի խոսնակ Հակոբ Կարապետյանն իր ֆեյսբուքյան էջում գրել է. «Երեւանի մետրոպոլիտենից հայտնում են. «Հոսանքի տատանումների պատճառով մետրոպոլիտենի ամբողջ երկայնքով էլեկտրաէներգիայի մատակարարումը ընդհատվել է: Որոշ հատվածներում գնացքները մնացել են թունելներում: Այնուհետեւ հոսանքը մասամբ վերականգնվել է, երթուղու մեջ գտնվող գնացքները մոտեցել են կայարաններին, որտեղ ուղեւորները տարհանվել են: Այս պահի դրությամբ թունելի մեջ է գտնվում Զորավար Անդրանիկ կայարանից դեպի Հանրապետության Հրապարակ կայարան մեկնող գնացքը: Իրավիճակը վերահսկողության տակ է: Մինչեւ հոսանքի հետ կապված խնդիրների կարգավորումը՝ մետրոպոլիտենի աշխատանքը կկասեցվելի»»:

Ֆեյսբուքյան օգտատեր Լևոն Սարդարյանն էլ ֆեյսբուքյան իր էջում գրել է.

«Երևանի մետրոպոլիտենից ուղևորներին տարհանում են։ Պատճառը խոշոր էներգավթարն է, որի պատճառով կարող է խաթարվել ջրամղիչ պոմպերի աշխատանքը։
Քանի որ վթարը համապետական բնույթ ունի, խորհուրդ է տրվում անջատել բոլոր այն էլեկտրական սարքավորումները, որոնք ցածր լարման արդյունքում կարող են շարքից դուրս գալ»։

***

Քաղաքապետարանի մամուլի խոսնակ Հակոբ Կարապետյանը տեղեկացրել է, որ այս պահի դրությամբ՝ թունելների մեջ գնացքներ չկան. բոլոր ուղեւորները տարհանվել են։

7or.am