Հունիս ամսից կոշտ գործողություններ ենք սկսել երգիչների հետ կապված: Բայց որպեսզի դրանք լինեն շատ ավելի հասցեական, մենք յուրաքանչյուր երգչի վարքագիծը գնահատում ենք և յուրաքանչյուր երգչին անձնական նամակով հրավիրելու ենք ՊԵԿ քննարկումների: Այսօր՝ հուլիսի 9-ին, մամուլի ասուլիսի ժամանակ հայտարարեց ՊԵԿ նախագահ Դավիթ Անանյանը:

Անանյանի խոսքերով՝ նամակի մեջ նշվելու են նրանց մասնակցութամբ միջոցառումների վերաբերյալ կոնկրետ փաստեր, որոնցից ստացված եկամուտները, ՊԵԿ-ի կարծիքով, հայտարարագրված չեն լինի:

ՊԵԿ նախագահի կարծիքով վաստակավոր արտիստի կոչում ունեցող երգչին, երբ անվանական նամակ է գնում և, ըստ էության, առերևույթ մեղադրանք է ներկայացվում, դրանից կոշտ վարչարարություն պատկերացնել դժվար է:

Խուզարկության անհրաժեշտություն չկա:

Անանյանը պնդեց, որ կան նաև օրինապահ երգիչ-երգչուհիներ. «Կարծում եմ, որ մշակույթի և ներքին համոզմունքի ձևավորման խնդիր կա»:

Աղբյուրը՝ analitik.am