«Իշխանությունը հեղափոխությունը վերջնական ավարտին հասցնելը հասկանում է դատական իշխանությունում ամրապնդվելը: Պայմանական ասված այդ հեղափոխություն արդեն ավարտվել է, այսինքն՝ այն ուժը, որը կատարել է հեղափոխությունը, հիմա հասել է իր ուզածին՝ օրենսդիր մարմնում ունի բացարձակ իշխանություն, իսկ գործադիր մարմինը ձևավորել է միանձնյա, դատական իշխանությանը չպետք է ձեռք տալ: Եթե իշխանությունը դատական համակարգի վրա էլ ունենա իր ազդեցությունը, ուրեմն այդ հեղափոխությունն իմաստ չուներ»,- Yerevan.Today-ի հետ զրույցում հայտարարեց ԱԺ ԲՀԿ խմբակցության պատգամավոր Գևորգ Պետրոսյանը՝ ընդգծելով, որ հիմա արդեն ժողովուրդը պետք է հեղափոխականներից պահանջի այն, ինչ նրանք խոստանում էին հեղափոխությունից առաջ:

Պատգամավորը համամիտ է այն տեսակետին, որ իշխանության հայտարարությունները վեթինգի, անցումային արդարադատության մասին արդեն իսկ ազդեցություն են դատական համակարգի վրա:

«Դատավորների նկատմամբ ազդեցությունը սկսվեց դեռ այն պահից, երբ Հանրապետության հրապարակում կոչ հնչեց, թե այդ որ դատավորն է, որ կարող ա իմ ասածը չանի: Դատավորների նկատմամբ ազդեցություն չէր, բա ինչ էր դատարանների դռներն արգելափակելու ցուցումը»,- ասաց Գևորգ Պետրոսյանը՝ նկատելով, որ այս ամենի հետևանքները տանում են դեպի անկանխատեսելիություն:

Մանրամասն՝ տեսանյութում: