«Վահե Գրիգորյանը մեծ կիքս թույլ տվեց». Հրանտ Բագրատյան

ՀՀ նախկին վարչապետ Հրանտ Բագրատյանը Live News-ին տված հարցազրույցում անդրադարձել է ՍԴ դատավոր Վահե Գրիգորյանի՝ իրեն ՍԴ նախագահ հռչակելու հայտարարությանը և ասել, որ ՍԴ դատավոր ընտրված երիտասարդը մեծ կիքս թույլ տվեց՝ հայտարարելով, որ ինքը ՍԴ նախագահն է:

«Հավանաբար, ինքը նկատի ուներ, որ նախկին Սահմանադարությամբ եղել են Սահմանադրական դատարանի անդամ և հիմա դատավոր հասկացությունները, և ինքը միակ դատավորն է: Այստեղ իրավաբանական կազուս կա, քանի որ եթե ինքը ուշադիր նայեր նախորդ Սահմանադրությունը, Սահմանադրական դատարանի նախագահի մասով հատուկ հոդված կար՝ 213 հոդվածը, դա ինձ դուր չի գալիս: Առիթներ լինելու են շփվելու, և ես արտահայտել եմ իմ դժգոհությունը. դատարանը փակել կամ նման հայտարարություններ անելը բումերանգ է, մի օր էլ մեկը իրեն կհայտարարի վարչապետ, մեկը կհայտարարի նախագահ, սրանք պետք է կասեցվեն»,– ասել է նախկին վարչապետը:

Հիշեցնենք, որ 1 անվավեր, 99 կողմ, 22 դեմ ձայների հարաբերակցությամբ հունիսի 18–ին ԱԺ–ն ՍԴ դատավոր ընտրեց ՀՀ նախագահ Արմեն Սարգսյանի կողմից առաջադրված Վահե Գրիգորյանին։ Հունիսի 20–ին ԱԺ–ում երդման արարողության ժամանակ Գրիգորյանը հայտարարեց, որ ՍԴ է գնում «ՍԴ նախագահի լիազորություններով», քանի որ դատարանի կազմում այս պահին դատավորի կարգավիճակ ունեն միայն ինքն ու Արման Դիլանյանը, որն արձակուրդում է։ Մյուսները, ըստ Գրիգորյանի, ՍԴ անդամներ են, իսկ Սահմանադրության համաձայն` ՍԴ նախագահ կարող է դառնալ ՍԴ դատավորների կողմից ընտրված ՍԴ դատավորը, այլ ոչ թե ՍԴ անդամը։

Աղբյուրը՝ hayeli.am

Աղբահավաքության շոուն կա, բայց աղբի հավաքումը չկա

Հերթական ծածկադմփոցին ու աչքկապոցին Աջափնյակում (տեսանյութ)

Մետրոյի հերթերը և քաղաքային իշխանության պատկերը (տեսանյութ)

● Քաղաքական