Վրաստանի վարչապետ Մամուկա Բախտաձեն ասել է, որ խաղաղ քաղաքացիներին գազով ու ռետինե փամփուշտներով ցրելը ոչ թե ներկա կառավարության, այլ Միխեիլ Սահակաշվիլիի ձեռագիրն է:

Կառավարության ղեկավարն ասել է, որ այդ նախկին իշխանության կողմից կառավարվող լրատվամիջոցներն են տարածում տեղեկատվություն, թե ոստիկանությունը խաղաղ բնակչության դեմ ուժ է կիրառում:

«Ուզում եմ Վրաստանի ցանկացած քաղաքացու ասել, որ հանգիստ լինեն. մենք միասին ու պատվով կհաղթահարենք այս մարտահրավերը, որից հետո վրացական պետությունը, վրաց ժողովրդարվարությունն ու սահմանադրությունն ավելի կուժեղանան», — ասել է Բախտաձեն՝ հավելելով, որ ոստիկանությունը գործել է օրինաչափ, պաշտպանել է պետությունը, հիմա ամենակարևորը տուժածների առողջությունն է:

Հիշեցնենք՝ Ռուսթավելիի պողոտայում բախումների հետևանքով, ըստ վերջին ոչ պաշտոնական տվյալների, մի քանի հարյուր մարդ է տուժել: Նրանց մի մասը ոստիկաններ են: Ակցիայի ընթացքում տասից ավեի լրագրող է տուժել: Մի քանի տասնյակ մարդ շարունակում է մնալ հիվանդանոցներում:

Աղբյուրը՝ aliq.ge