Երեկ վրացական պետհամարանիշներով ավտոմեքենանների վարորդները Գյումրիի թատերական հրապարակում կառավարության համար, որպես ամոթանք, հանգանակություն են կազմակերպել։ Գումարը հավաքվել է հնամաշ գլխարկի մեջ։ Հավաքված գումարն ԱԺ ճեպազրույցների ժամանակ «Ժառանգություն» խմբակցության պատգամավոր Զարուհի Փոտսանջյանն իր հետ է բերել և հայտարարել, թե այսօր այդ գումարը փոխանցվելու է հատուկ ՀՀ վարչապետ Տիգրան Սարգսյանին։

-Բոլոր գյումրեցիները համամիտ էին այն կարծիքին, որ երևի թե մեր կառավարությանը պետք է այսպիսի հանգանակություններով օգնել, որպեսզի նա չմտնի քաղաքացիների գրպանները, և այդ քաղաքացիներն էլ ստիպված չլինեն լքել հայրենիքը,-ասել է պատգամավորը։

Նշենք, որ հավաքված գումարի մեջ մեկ-երկու հատ 1000-դրամանոց է եղել, մնացածը 10-500-անոց մետաղադրամներ։ Հատկանշական է, որ Գյումրիից եկած այդ պարկի մեջ նաև արևածաղկի սերմի մի քանի հատիկ է եղել։ Հանգանակությանը միացել են նաև ԱԺ-ում հավատարմագրված մի շարք լրագրողներ։

7or.am