17.01.2026 ● 19:07
17.01.2026 ● 16:02
16.01.2026 ● 16:20
16.01.2026 ● 14:16
16.01.2026 ● 13:48
16.01.2026 ● 13:04
16.01.2026 ● 09:06
15.01.2026 ● 19:01
15.01.2026 ● 15:38
15.01.2026 ● 13:26
15.01.2026 ● 11:21
15.01.2026 ● 10:13
15.01.2026 ● 10:08
15.01.2026 ● 09:59
Վերաքննիչ դատարանն ուժի մեջ է թողել Միհրան Պողոսյանին կալանավորելու որոշումը
ՀՀ վերաքննիչ քրեական դատարանի դատավոր Նարինե Հովակիմյանը որոշում է կայացրել մերժել ԱԺ նախկին պատգամավոր, գեներալ Միհրան Պողոսյանի պաշտպանի՝ նրա կալանավորման որոշման դեմ ներկայացված բողոքը: Այս մասին NEWS.am–ը տեղեկացավ դատարանի աշխատակազմից։
Դատարանն այսպիսով ուժի մեջ է թողել Պողոսյանին կալանավորելու առաջին ատյանի դատարանի որոշումը:
Նշենք, որ Պողոսյանին կալանավորելու առաջին ատյանի դատարանի՝ ապրիլի 15-ին կայացված որոշման դեմ բողոք էր ներկայացրել պաշտպանական կողմը:
Միհրան Պողոսյանն օֆշորի գործով ներգրավվել է որպես մեղադրյալ՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով (առանձնապես խոշոր չափերով յուրացում) եւ 308-րդ հոդվածի 2-րդ մասով (պաշտոնեական լիազորությունները չարաշահելը, որն անզգուշութամբ առաջացրել է ծանր հետեւանքներ)։
Միհրան Պողոսյանը հայտնաբերվել եւ ձերբակալվել է ՌԴ-ում, ապա կալանավորվել: Նրա նկատմամբ ընտրված խափանման միջոց կալանքը մայիսի 28-ին փոխվել էր, եւ նա այժմ գտնվում է տնային կալանքի տակ: Ըստ դատախազության՝ նրա արտահանձնման գործընթացը շարունակում է: