Գնահատելով  Հայաստանի ներքաղաքական իրավիճակը՝ «Նոր ժամանակներ» կուսակցության նախագահ Արամ Կարապետյանը լրագրողների հետ հանդիպման ժամանակ ասել է, թե իր կարծիքով դաշտը կամաց-կամաց սկսում է արթնանալ.

-Զարգացումներ են սպասվում։ Այն ճահճային իրավիճակը, որը կար մինչև վերջերս, շուտով կսկսվի ամբողջապես խրվել։ Ցավոք պետք է նշեմ, որ զարգացումները մոտենալու են հեղափոխականի,-ասել է նա։

Նա նշել է, թե ներքաղաքական զարգացումների հիմնական թեմաները ներկոալիցիոն գործընթացներն են, ընդդիմություն-իշխանություն հարաբերությունները։

Ա. Կարապետյանի կարծիքով Հայաստանի ներքաղաքական կյանքում գնալով առաջնահերթ դեր է սկսելու կատարել ներտնտեսական փոխհարաբերությունների խնդիրը։

-Հայաստանում քաղաքական, սոցիալական, արտաքին քաղաքական խնդիրներ են գնալով բեղմնավորվում, Հայաստանը կամաց-կամաց  իր քաղաքական գործընթացով մոտենում է բավականաչափ վատ շեմին, որտեղ չի հերիքում միայն քաղաքական պահը,-ասել է նա և կարծիք  հայտնել, որ Հայաստանում հեղափոխական գործընթացների զարգացման համար չի բավարարում սուբյեկտիվ մեկ գործոն՝ քաղաքական պահը։

Հեղափոխությունը Հայաստանում, Ա. Կարապետյանի կարծիքով, կլինի կա՛մ ինքնաբուխ, ինչպես Եգիպտոսում և Թունիսում էր, կա՛մ քաղաքական պահի հետևանքով։

7or.am