Մեկնարկել է ԱԺ նիստը։ Ազգային ժողովի յոթերորդ գումարման երկրորդ նստաշրջանի օրակարգում լրացումներ կատարելու մասին նախագծում ընդգրկվել է 20, այսօր գումարված հերթական նիստերի օրակարգի նախագծում` 35 հարց:

«ՀՀ 2018 թվականի պետական բյուջեի կատարման տարեկան հաշվետվությունը հաստատելու մասին» ԱԺ որոշման նախագիծը կքննարկվի հունիսի 19-ի առաջին նիստում:

Մինչ այդ կքննարկվի Սահմանադրական դատարանի դատավորի թափուր պաշտոնի համալրման հարցը։ Հիշեցնենք, որ այդ պաշտոնի համար ՀՀ նախագահ Արմեն Սարգսյանը ներկայացրել է Վահե Գրիգորյանի թեկնածությունը։

Հերթական նիստերի օրակարգում ընդգրկված են նաև ԲԴԽ անդամի ընտրությունը, Հաշվեքննիչ պալատի տարեկան հաղորդումը, Ջրային կոմիտեի, դրա կառուցվածքային ստորաբաժանումների և ՀՀ ԷԵԲՊՆ ջրային տնտեսության պետական կոմիտեի ջրային տնտեսության ԾԻԳ-ի գործունեությունն Արարատի և Արմավիրի մարզերում, դրա հիմնավորվածությունը և խնդիրները քննության առարկա դարձնելու նպատակով քննիչ հանձնաժողովի ստեղծման հարցը:

7or.am