Ապրիլի 7-ին Հայաստանի արտգործնախարար Էդվարդ Նալբանդյանն ընդունեց Հայաստան ժամանած Թուրքիայի վարչապետ Ռեջեփ Թայիփ Էրդողանի հատուկ բանագնաց, Թուրքիայի ԱԳ նախարարի առաջին տեղակալ Ֆերիդուն Սինիրլիօղլուին:

Հանդիպմանը քննարկվեցին Հայաստանի եւ Թուրքիայի միջեւ հարաբերությունների կարգավորման գործընթացին առնչվող հարցեր:

Նախարար Նալբանդյանը վերահաստատեց միջազգային հանրության տեսակետներին համահունչ Հայաստանի մոտեցումները' շարժվելու առաջ, առանց նախապայմանների վավերացնելու եւ իրագործելու Հայաստանի եւ Թուրքիայի միջեւ ստորագրված արձանագրությունները եւ այդ ուղղությամբ թուրքական կողմից գործնական քայլերի ակնկալիքը:

Հանդիպման կադրերը հնարավոր է ձեռք բերել հետեւյալ ինտերնետային կայքից' http://mail.mfa.am/video/video.html: