2019թ. հունիսի 20-ին տեղի կունենա «ԱդեկվաԴ» ՀԿ նախաձեռնած «Ադեկվատ դիսկուրս» կոնֆերանսը, որի ընթացքում հրավիրված փորձագետներն ու քաղաքական գործիչները կխոսեն Հայաստանում և տարածաշրջանում ստեղծված իրավիճակի մասին։

Երեք սեկցիաներով անցկացվող պանելային քննարկումները նվիրված կլինեն Հայաստանի ներքաղաքական զարգացումներին, արտաքին և անվտանգային խնդիրներին, ինչպես նաև մեր երկրում սկիզբ առած դատաիրավական համակարգի վերափոխումներին։ Պանելային քննարկման մասնակիցների զեկույցներին կհետևի կարծիքների փոխանակում հրավիրված մասնագետների և դահլիճում ներկա այլ մասնակիցների հետ։

Պանելային քննարկումները կընդմիջվեն սուրճի հյուրասիրությամբ, որի ընթացքում՝ ոչ ֆորմալ միջավայրում, կշարունակվեն կոնֆերանսի առաջ քաշած խնդիրների քննարկումն ու լուծումների որոնումը։

«Ադեկվատ դիսկուրս»-ը տեղի կունենա Երևանի DoubleTree by Hilton հյուրանոցի Milano Hall սրահում։ Մասնակիցների գրանցումը՝ 09։30-ին, կոնֆերանսի սկիզբը՝ 10։00-ին։

Միջոցառումը բաց է լրատվամիջոցների և ցանկացողների համար։

«Ադեկվատ դիսկուրս»-ի ծրագրի, մասնակիցների և զեկույցների թեմաների մասին տեղեկատվությունը շուտով հասանելի կլինի համացանցում։

«ԱդեկվաԴ» ՀԿ