Պատասխանող կողմի ներկայացուցիչ Գևորգ Գյոզալյանը իր վստահորդի անունից լիազորված լինելով աներկբա ասաց․ «Այդ արտահայտությունը, որն արվել է Նիկոլ Փաշինյանի կողմից, վերաբերվել է Սահմանադրաիրավական նորմի մեկնաբանությանը և միանշանակ չի վերաբերել պարոն Քոչարյանին»:

Այսօր ևս Ալումյանն ու Գյոզալյանը կրկնեցին իրենց այդ հայտարարությունները։

Հայցի առարկան է՝ պարտավորեցնել պատասխանող Նիկոլ Փաշնիյանին հրապարակային նորողություն խնդրել հետևյալ արտահայտության համար․ «Ասում է անձեռնմխելի է, ի՞նչ է նշանակում անձեռնմխելի է, այսինքն կարելի է մարդկանց սպանությունը կազմակերպել և ասել անձեռնմխելի եմ: Այդ որտեղ է այդպես գրված»:

Այսօր վարչապետ Փաշինյանի ներկայացուցիչ Գևորգ Գյոզալյանը Ռոբերտ Քոչարյանից պահանջեց 650 հազար դրամ դատական ծախսերի համար: Քոչարյանի ներկայացուցիչ Հայկ Ալումյանն այդ գումարը ողջամիտ չի համարում և նշեց, որ դատավարություն փաստացի տեղի չի ունեցել:

Այս գործով դատաքննությունն ավարտվեց։ Դատարանն իր որոշումը կհրապարակի հունիսի 24-ին։

7or.am