Փաշինյանը հետ է կանգնել իր խոսքերից (տեսանյութ)

● Քաղաքական

12.06.2019 ● 16:50

Փաշինյանը հետ է կանգնել իր խոսքերից (տեսանյութ)

Երևան քաղաքի ընդհանուր իրավասության դատարանում այսօր տեղի է ունեցել ՀՀ երկրորդ նախագահ Ռոբերտ Քոչարյանն ընդդեմ վարչապետ Նիկոլ Փաշինյանի գործով դատական նիստը:

Հիշեցնենք, որ Ռոբերտ Քոչարյանի ներկայացուցիչ Հայկ Ալումյանի կողմից հայցադիմում էր ներկայացվել Երևան քաղաքի ընդհանուր իրավասության դատարան՝ հրապարակայնորեն արտահայտված զրպարտությունից պատիվը և արժանապատվությունը պաշտպանելու պահանջի մասին:

Գործը նախագահում է դատավոր Լիլիթ Սարգսյանը:

Այսօրվա դատական նիստում Ռոբերտ Քոչարյանի ներկայացուցիչ Հայկ Ալումյանը բանավոր կերպով հայտարարեց հայցից հրաժարվելու մասին:

Հայկ Ալումյանը պատասխանող կողմին դիմելով ասաց` եթե պատասխանողի ներկայացուցիչը կհայտարարի աներկբա, որ քննարկվող հայտարարությունն անելով Նիկոլ Փաշինյանը նկատի չի ունեցել Ռոբերտ Քոչարյանին, ապա հայցվոր կողմը պատրաստ է հրաժարվել հայցից: Միևնույն ժամանակ Հայկ Ալումյանը դատարանից ժամանակ խնդրեց հայցից հրաժարվելու վերաբերյալ դիմումը գրավոր ներկայացնելու համար:

Պատասխանող կողմի ներկայացուցիչ Գևորգ Գյոզալյանը իր վստահորդի անունից լիազորված լինելով աներկբա ասաց․ «Այդ արտահայտությունը, որն արվել է Նիկոլ Փաշինյանի կողմից, վերաբերվել է Սահմանադրաիրավական նորմի մեկնաբանությանը և միանշանակ չի վերաբերել պարոն Քոչարյանին»:

Դատական նիստը հետաձգվեց և նշանակվեց հունիսի 13-ին՝ ժամը 14:00-ին:

Հայցի առարկան է՝ պարտավորեցնել պատասխանող Նիկոլ Փաշնիյանին հրապարակային նորողություն խնդրել հետևյալ արտահայտության համար․ «Ասում է անձեռնմխելի է, ի՞նչ է նշանակում անձեռնմխելի է, այսինքն կարելի է մարդկանց սպանությունը կազմակերպել և ասել անձեռնմխելի եմ: Այդ որտեղ է այդպես գրված»:

7or.am

● Այս խորագրի վերջին նյութերը

Մոսկվան, ի տարբերություն արևմտյան կեղծավոր միջնորդների, Երևանին և Բաքվին չի դրդում հապճեպ խաղաղության պայմանագիր կնքել. Լավրով

05.11.2024 ● 18:03

ՌԴ-ն վստահ է, որ հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի։

Աղբահավաքության շոուն կա, բայց աղբի հավաքումը չկա

05.11.2024 ● 14:06

Նոր մեքենաներ գնելուց հետո ևս աղբահանության հարցը չի լուծվել։

Հերթական ծածկադմփոցին ու աչքկապոցին Աջափնյակում (տեսանյութ)

05.11.2024 ● 09:23

Հերթական անգամ երևանցու գրպանից մսխած տասնյակ միլիոնավոր դրամները։

Փողի «բազառ»՝ քաղաքապետի և նախարարի միջև․ «Հրապարակ»

05.11.2024 ● 09:08

Ավինյանն ուշագրավ հայտարարություն արեց՝ ասելով, որ քաղաքում չլուծված խնդիրների և դրանց լուծումը ձգելու մեղավորը ոչ թե ինքն է, այլ՝ գործադիրը։

Ի՞նչ է «մոռացել» քննչականը. Աղազարյանի որդին նաև պաշտոնյա է. «Ժողովուրդ»

05.11.2024 ● 09:04

Աղազարյանը, իմանալով օրենքի բացի մասին, ոչ թե ձգտել է շտկել սխալը իր լիազորությունների շրջանակում, այլ ձգտել է օգուտ քաղել՝ ընտանեկան բիզնես կազմակերպելով: