Հունիսի 2-ին՝ ժամը 19.20-ին, ոստիկանության կրթահամալիրից Մալաթիայի բաժին ահազանգ էր ստացվել, որ իրենց է դիմել օտարերկրյա մի քաղաքացուհի եւ խնդրել ոստիկանության օգնությունը:

Ոստիկանությունից հայտնում են, որ մեկնած ոստիկանության Մալաթիայի բաժնի ծառայողներին Չեխիայի Հանրապետության քաղաքացին հաղորդում է տվել, որ նույն օրը՝ ժամը 18.30-ին, Գեւորգ Չաուշի փողոցում նստել է անհայտ մակնիշի ավտոմեքենա, որ ուղեւորվի Կենտրոն, սակայն Սասունիկ գյուղ տանող ճանապարհին մեքենայի վարորդը եւ ուղեւորը դանակի սպառնալիքով հափշտակել են իր ուսապարկը, որի մեջ եղել են լուսանկարչական սարք, բջջային հեռախոս եւ անձնական իրեր:

Ոստիկանության քրեական հետախուզության գլխավոր, Երեւան քաղաքի, Արագածոտնի եւ Կոտայքի մարզային վարչությունների ու Մաշտոցի բաժնի ծառայողների համատեղ ձեռնարկած օպերատիվ-հետախուզական միջոցառումների շնորհիվ հունիսի 3-ին Աշտարակ քաղաքի Բագավան թաղամասից, ավազակություն կատարելու կասկածանքով, Մաշտոցի բաժին բերման են ենթարկվել Աշտարակ քաղաքի բնակիչներ Արտակ Ա.-ն, Տիգրան Ն.-ն եւ Գրիգոր Ի.-ն:

Նրանք ձերբակալվել են:

Կատարվում են նախաքննություն: