Մայիսի 30-31-ն ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես՝ Երևան քաղաքի Արարատյան փողոցում՝ 5000 քմ, Միքայելյան փողոցում՝ մոտ 3000 քմ, Սարի թաղում՝ մոտ 3 հա, Շիրակի փողոցում՝ մոտ 5000 քմ, «Էրեբունի» օդանավակայանի մոտակայքում՝ մոտ 2 հա, Կոտայքի մարզի Առինջ գյուղից Գառնի տանող ճանապարհին՝ մոտ 6000 քմ, Արմավիրի մարզի Էջմիածին քաղաքում՝ մոտ 4300 քմ, Չոբանքարայի խճուղում՝ մոտ 4 հա և ջերմահարվել՝ 11 ծիրանենի, Փարաքար գյուղում՝ մոտ 600 քմ, Մերձավան գյուղում՝ մոտ 3000 քմ, Արագածոտնի մարզի Փարպի գյուղում՝ 3000 քմ, Արարատի մարզի Մասիս քաղաքում՝ մոտ 3000 քմ, Նորաբաց գյուղում՝ մոտ 4000 քմ, Հայանիստ գյուղում՝ մոտ 2700 քմ, Երևան-Երասխ ավտոճանապարհի 33-րդ կմ-ին` մոտ 400 քմ խոտածածկույթ:

Բոլոր հրդեհները հրշեջ-փրկարարները մեկուսացրել են և մարել: