24.12.2024 ● 19:59
24.12.2024 ● 18:55
24.12.2024 ● 17:05
24.12.2024 ● 16:42
24.12.2024 ● 15:00
24.12.2024 ● 12:35
24.12.2024 ● 12:00
24.12.2024 ● 11:33
24.12.2024 ● 10:00
24.12.2024 ● 00:25
«Ազգային օրակարգ»-ը ողջունում է Դատավորների ընդհանուր ժողովի կողմից դրսևորած բարեփոխումերի պատրաստակամությունը
Ս․թ․ մայիսի 19-ին «Ազգային օրակարգ» կուսակցության Խորհուրդը հանդես էր եկել հայտարարությամբ՝ դատապարտելով պետության մեջ իշխանության տարբեր ճյուղերի միջև հակակշիռների գործող համակարգի տապալմանն ուղղված հնարավոր քայլերը, որոնք այնուհետև դրսևորվեցին իշխող ուժի կողմնակիցների կողմից դատարանների աշխատանքը խափանող գործողություններով։ Այդ իրադարձություններից հետո Հայաստանի հանրապետության Դատավորների ընդհանուր ժողովը մայիսի 27-ին հանդես է եկել հայտարարությամբ, որում խստորեն դատապարտել է դատարանների աշխատանքը խոչընդոտող գործողությունները և կոչ արել ձեռնպահ մնալ դատական իշխանության հեղինակությունը նսեմացնող հայտարարություններից։ Միևնույն ժամանակ այդ հայտարարության մեջ կարևորվել է դատական համակարգում բարեփոխումների անհրաժեշտությունը՝ դրանք համարելով իրավական առաջընթացի ու զարգացման էական նախապայման։
«Ազգային օրակարգ» կուսակցության խորհուրդը, կողմնակից լինելով Հայաստանում դատական իշխանության համակարգային արդիականացմանը, ողջունում է Դատավորների ընդհանուր ժողովի կողմից դրսևորած բարեփոխումերի պատրաստակամությունը, և կոչ է անում քաղաքական ուժերին և մասնագիտական հանրությանը անցնել դատական վերափոխումների համապարփակ հայեցակարգի մշակման, ինչպես նաև դրա հիման վրա դատական իշխանության անկախության, դատական ու իշխանության մյուս ճյուղերի միջև զսպումների և հակակշիռների հարաբերակցության հստակեցման, դատական համակարգի ինստիտուցիոնալ կառուցվածքի զարգացման վերաբերյալ բոլոր շահագրգիռ կողմերի մասնակցությամբ լայն հանրային քննարկման։
Մեր կողմից պատրաստակամություն ենք հայտնում մասնակցել այս գործընթացին, և համագործակցել համակարգային իրավական բարեփոխումներում շահագրգիռ կառուցողական ուժերի հետ։
«Ազգային օրակարգ» կուսակցության Խորհուրդ