Ես թերահավատ եմ այն պնդումներին, երբ ասում են՝ այ էսպիսի մի բան կա, լուծումը սա է, վերջ: Այս մասին այսօր՝ մայիսի 8-ին, իր մեծ ասուլիսում հայտարարեց ՀՀ վարչապետ Նիկոլ Փաշինյանը՝ անդրադառնալով լրագրողի պնդմանը, թե Հայաստանի տնտեսական աճի եւ ընդհանրապես երկրի փրկությունը եգիպտացորենի արտադրությունն է:

Հատկանշական է, որ լրագրողը եկել էր եգիպտացորենը ձեռքին եւ հարց տալիս էլ թափահարում էր այն: Նա նշեց, որ աշխարհի փորձն էլ ցույց է տալիս, որ զարգացել են այն երկրները, որոնք զարկ են տվել եգիպտացորենի արտադրությանը, այդ թվում՝ Չինաստանը, Սերբիան, ԵՄ երկրներից շատերը:

Ի պատասխան՝ Փաշինյանը նշեց, որ չի հավատում նման ունիվերսալ լուծումներին. «Ասում են՝ թողեք բոլոր լյա-լյա-լուլյաները, այ սա է լուծումը: Աշխարհը դա վաղուց ասել է, իզուր ուրիշ բաներով մի զբաղվեք: Ես չեմ հավատում այդ լուծումերին: Չնայած, ասեմ, որ եգիպտացորեն ես սիրում եմ»:

Լրագրողն էլ արձագանքեց. «Չէ, Դուք մի՛ սիրեք, թողե՛ք անասուններին»:

Աղբյուրը՝ news.am