Խոր վիրապի վանական համալիրում գերմանացի զբոսաշրջիկի՝ օրերս հանկարծամահ լինելու դեպքի առթիվ Ոստիկանությունում նյութեր են նախապատրաստվում։ Այս մասին «Փաստինֆո»-ն տեղեկացավ Ոստիկանության լրատվական բաժնից. «Նշանակվել է դատաբժշկական փորձաքննություն»,-փոխանցեցին Ոստիկանությունից։

Նշենք, որ դեպքի մասին տեղեկությունը ոստիկանությունը փոխանցել է Հայաստանում Գերմանիայի դեսպանատուն:

Հիշեցնենք, որ մայիսի 4-ին Վեդու բժշկական կենտրոնից ահազանգ էր ստացվել այն մասին, որ իրենց մոտ է տեղափոխվել Գերմանիայի քաղաքացու դիակ։ Հիվանդանոց մեկնած ոստիկանության Արարատի բաժնի ծառայողները պարզել էին, որ մահացածը Գերմանիայի Դաշնային Հանրապետության քաղաքացի, 70-ամյա Գյունտեր Կառլ-Հայնց Շմիդտն էր: