Sukhoi Superjet 100 օդանավի վթարային վայրէջքի հետևանքով զոհերի թիվն արդեն հասել է 41-ի:

Համացանցում հայտնվել են ինքնաթիռի ներսից արված կադրերը։

Մոսկվա-Մուրմանսկ չվերթն իրականացնող SSJ-100 ուղևորատար ինքնաթիռը բռնկվել էր «Շերեմետևո» օդանավակայանում:

Ինքնաթիռն օդ էր բարձրացել տեղի ժամանակով 18:00-ին, իսկ որոշ ժամանակ անց վթարային վայրէջքի իրավունք էր խնդրել․ վայրէջքի պահին բռնկվել էր:

Օդանավն ամբողջությամբ այրվել է, մարդիկ սկսել են դուրս ցատկել օդանավից, բայց ոչ բոլորին է դա հաջողվել:

Օդանավում 78 մարդ է գտնվել:

Հաղորդվում է, որ SSJ-100-ը կարող էր բռնկվել կայծակի հարված ստանալու պատճառով:

Ռուսաստանի Դաշնությունում Հայաստանի Հանրապետության դեսպանատունը ճշտում է տեղեկությունն այն մասին՝ արդյոք Մոսկվա-Մուրմանսկ չվերթի այրված ինքնաթիռում ՀՀ քաղաքացիներ կամ ազգությամբ հայեր եղել են, թե ոչ: Այդ մասին տեղեկանում ենք ՀՀ ԱԳ նախարարության ֆեյսբուքյան էջից:

***

Մոսկվա-Մուրմանսկ չվերթ կատարող այրված օդանավում հայեր չեն եղել: Այս մասին հայտնեցին ՌԴ-ում Հայաստանի դեսպանատնից:

7or.am