Լոնդոնի «Արսենալը» Անգլիայի Պրեմիեր լիգայի 37-րդ տուրում սեփական հարկի տակ ընդունեց «Բրայթոնին»:

«Զինագործների» համար անչափ կարևոր խաղն ավարտվեց ոչ-ոքի՝ 1:1 հաշվով:

Հանդիպման հաշիվը 9-րդ րոպեից բացեց Պյեր-Էմերիկ Օբամեյանգը՝ հստակ իրացնելով 11 մետրանոց հարվածը: Երկրորդ խաղակեսի 60-րդ րոպեին Բրեն Մարեյը նույնպես 11-մետրանոցից դարձավ գոլի հեղինակ ու փրկեց իր թիմին պարտությունից:

Հանդիպմանը մասնակցեց Հայաստանի հավաքականի ավագ Հենրիխ Մխիթարյանը: Մեր ընտրանու խաղացողը մեկնարկային կազմում էր ու փոխարինվեց 77-րդ րոպեին:

Այսպիսով, այս հանդիպումից հետո «Արսենալը» 67 միավորով 5-րդն է ու գործնականում զրկվում է առաջին քառյակում տեղ զբաղեցնելու հնարավորությունից: Եթե Էմերիի թիմը ցանկանում է մրցաշրջանն ավարտել առաջին քառյակում, ապա վերջին տուրում պետք է հաղթի նվազագույնը 7 գնդակի առավելությամբ ու սպասի «Տոտենհեմի» պարտությանը:

«Չելսին» 71 միավորով 3-րդն է, իսկ «Տոտենհեմը» 70 միավորվ 4-րդ հորիզոնականում է:

«Բրայթոնն» իր ակտիվում ունի 36 միավոր և զբաղեցնում է 17-րդ տեղը:

Աղբյուրը՝ armsport.am