Մայիսի 2-ին՝ ժամը 09:29-ին, «911» ծառայությանն ահազանգ է ստացվել, որ Եղվարդ-Նոր Գեղի ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Եղվարդ-Նոր Գեղի ավտոճանապարհի 2-րդ կմ-ին բախվել են «ԿամԱԶ» (վարորդ՝ Ս.Հ., ծնված 1962 թ.) և «Toyota Corolla» (վարորդ՝ Ա.Մ., ծնված 1972 թ.) մակնիշների ավտոմեքենաները:

Մինչ փրկարարների՝ կանչի վայր հասնելը «Toyota Corolla» մակնիշի ավտոմեքենայի վարորդը՝ Ա.Մ.-ն, և ուղևորը Հ.Կ.-ն (ծնված 1951 թ.), հոսպիտալացվել են Եղվարդի ԲԿ, որտեղ Հ.Կ.-ն մահացել է, իսկ Ա.Մ.-ի առողջական վիճակը գնահատվել է բավարար:

Փրկարարները հոսանքազրկել են «Toyota Corolla» մակնիշի ավտոմեքենան: