Լրագրողների հետ հանդիպման ժամանակ ՀՀԿ անդամ Մենուա Հարությունյանն ասել է, թե ՀՀ տնտեսության վիճակը գնալով վատանում է։

-Այսօր Հայաստան ներկրվող ապրանքները 80% են, իսկ արտահանվողը՝ 20%։ Ես կարող եմ աֆրիկական երկրների անուններ ասել, որտեղ արտահանման և ներկրման բալանսն ավելի լավն է, քան Հայաստանում,-նշել է նա։

Այն հարցադրմանը, որ եթե իշխող կուսակցության ներսից, ինչպես նաև կոալիցիայի ներկայացուցիչները նման գնահատականներ են հնչեցնում, ապա ինչո՞ւ կառավարությունում փոփոխություններ չեն իրականացվում, Մենուա Հարությունյանը պատասխանել է, թե պատկերացումների խնդիր կա։

-Իմ կարծիքով՝ տնտեսությունն այս վիճակից հանելու ճիշտ ճանապարհը սա է, մեկ ուրիշը մտածում է, որ մյուս ճանապարհն է ճիշտ։ Ես մեկ տարի առաջ էլ եմ ասել, թե կյանքը ցույց է տալիս, որ մեր երկիրը պետք է գնա տեղական արտադրությունը զարգացնելու ճանապարհով,-նշել է նա։

 7or.am