Մեկնաբանելով Երևանի քաղաքապետ Գագիկ Բեգլարյանի հրաժարականը' ՀՀԿ խմբակցության ղեկավար Գալուստ Սահակյանն ասել է, որ կուսակցությունում իրենք նման խնդիրներ չեն քննարկում, որովհետև լուծումները իշխանական կառույցներում են, իսկ իշխանական կառույցների ղեկավարները ՀՀԿ-ի լիդերներն են:

-Նման երևոյթները մեզ համար անընդունելի են: Իհարկե, որպես գործընկեր, որպես ընկեր' մեզ համար բավականին ցավալի է այս իրավիճակը, բայց, միևնույն ժամանակ, որպես պետական մտածողության տեր այրեր' կարծում եմ, որ պիտի այսուհետև ևս անհանդուրժողական լինել նման արարքների նկատմամբ:

Ինչ վերաբերում է ՀՀ արդարադատության նախարար Գևորգ Դանիելյանի հրաժարականին, Գ. Սահակյանն ասել է, որ դա զուտ աշխատանաքային խնդիր է.

-Որպես կուսակցության ներկայացուցիչ կամ նաև որպես բանիմաց անձնավորություն' մեզ մոտ Գևորգ Դանիելյանը շատ դրական է գնահատվում, զուսպ անձնավորություն է, բավականին լուրջ, կարող գիտելիքների տեր անձնավարություն և ՀՀ բարեպաշտ քաղաքացի է:

7or.am