Երկրի բնակչության թվաքանակը 2019 թվականին կազմել Է 7,7 միլիարդ, իսկ մինչեւ 2050 թվականը կհասնի 9,7 միլիարդի: Այդ մասին, ինչպես տեղեկացնում Է «Արմենպրես»-ը, հաղորդվում Է ՄԱԿ-ի գլխավոր քարտուղարի զեկույցում:

Բնակչության թվաքանակի աճն ուղեկցվում Է նրա ծերացմամբ, ծնելիության մակարդակի նվազմամբ, ինչպես նաեւ սրընթաց ուրբանիզացիայով, նշվում Է զեկույցում, որը ներկայացվել Է Ազգաբնակչության եւ զարգացման հանձնաժողովի քննարկմանը, որի 51-րդ նստաշրջանը նախօրյակին մեկնարկել Է ՄԱԿ-ի Նյու Յորքի կենտրոնակայանում:

Այժմ աշխարհում ծնելիույթան միջին մակարդակը մեկ կնոջ հաշվով 2,5 երեխա Է, իսկ 2030 թվականին այն կկազմի 2,4 ծնունդ: Ըստ կանխատեսումների՝ 2050 թվականին աշխարհի բնակչության ավելի քան 70 տոկոսը կապրի այնպիսի երկրներում, որտեղ ծնելիության ընդհանուր ցուցանիշը ցածր կլինի բնաչկության վերարտադրման համար անհրաժեշտ մակարդակից:

Ինչ վերաբերում Է 65 եւ ավելի բարձր տարիքի մարդկանց, ապա բնակչության ընդհանուր թվաքանակում նրանց բաժինը կաճի: Այժմ նրանք 19 տոկոս են կազմում Եվրոպայում եւ 16 տոկոս՝ Հյուսիսային Ամերիկայում, իսկ 2050 թվականին այդ ցուցանիշները կավելանան մինչեւ 28 տոկոս եւ 23 տոկոս՝ համապատասխանաբար: Սպասվում Է, որ այդ ժամանակաշրջանում Ասիայում, Լատինական Ամերիկայում եւ Կարիբյան ավազանում տարեց մարդկանց բաժինը ներկայիս 8 տոկոսից կավելանա մինչեւ 18 տոկոս: Աֆրիկայում, որտեղ այսօրվա դրությամբ ամենաերիտասարդ բնակչությունն Է, 2050 թվականին տարեցների բաժինը կկազմի 9 տոկոս:

Ընդսմին, ինչպես նշվում Է, արդեն այսօր աշխարհում տարեց մարդկանց գրեթե կեսը թոշակ չի ստանում: Ներկայում աշխարհի բնակչության մոտավորապես 56 տոկոսն ապրում Է քաղաքներում, ասված Է զեկույցում, որից տվյալներ են բերված ՄԱԿ-ի կայքում: Ապագայում բնակչության գրեթե ողջ աճը տեղի կունենա քաղաքային բնակիչների թվի ավելանալու հաշվին, որոնց, կանխատեսումների համաձայն, 2030 թվականին բաժին կընկնի աշխարհի երկրների բնակչության 60 տոկոսը, իսկ 2050 թվականին՝ մոտավորապես 68 տոկոսը: ՄԱԿ-ում նշում են, որ վերջին 25 տարվա ընթացքում ամբողջ աշխարհում զգալիորեն բարձրացել Է բնակչության բարեկեցության մակարդակը: Զգալիորեն կրճատվել Է այն մարդկանց թիվը, որոնք ապրում են ծայրահեղ աղքատության պայմաններում, 40 տոկոսով նվազել են մայրական մահացության մասշտաբները, Էականորեն ավելացել Է կյանքի տեւողությունը: 1994-ից մինչեւ 2019 թվականն ընկած ժամանակաշրջանում մինչեւ 5 տարեկան երեխաների մահացության մակարդակը կրճատվել Է 54 տոկոսով:

Կյանքի սպասվող տեւողությունն ամբողջ աշխարհում 1994 թվականի 64,9 տարվանից 2019 թվականին ավելացել Է մինչեւ 72,3 տարի, իսկ 2030 թվականին կավելանա եւս մոտավորապես երկու տարով, հաղորդել Է «Ինտերֆաքս»-ը: