Լրագրողների հետ հանդիպման ժամանակ քաղաքագետ, Կովկասյան ինստիտուտի տնօրեն Ալեքսանդր Իսկանդարյանն  անդրադարձել է Միջազգային ճգնաժամային խմբի «Հայաստան և Ադրբեջան. կանխելով պատերազմը» զեկույցին։ Նա նշել է, որ այդ զեկույցում փաստերը հագեցած են, բայց ամբողջական չեն:

-Այս զեկույցում ներկայացվող փաստերը չեն համապատասխանում նույն զեկույցում ներկայացված հետևություններին,-ընդգծել  է Ալեքսանդր Իսկանդարյանը:

Քաղաքագետը նշել է, թե տպավորություն է ստեղծվում, որ զեկույցը պատրաստելուց առաջ արդեն իսկ նպատակ է եղել այնտեղ առաջ քաշել ու հիմնավորել պատերազմի սկսման հավանականությունը:

-Զեկույցում հիմնականում ասվում է, թե կարող է հանկարծակի պատերազմ սկսել: Այս առիթով զեկույցում հիմանավորում է ներկայացվում շփման գծում առկա հրադադարի ռեժիմի խախտման հանգամանքը, սակայն հիշեցնենք, որ սահմանային գոտում բազմաթիվ լուրջ դեպքեր են եղել, որոնք չեն հանգեցրել պատերազմի,-ասել է նա:

 Ըստ Ալեքսանդր Իսկանդարյանի՝ զեկույցում առաջ քաշված հետևությունները ոչ մի կերպ հիմնավորված չեն, և  պատերազմը կարող է սկսվել միայն երեք երկրների՝ Հայաստանի, ԼՂՀ-ի ու Ադրբեջանի ղեկավարների կողմից պատերազմ հայտարարելու հրամանից հետո:

7or.am