Վենեսուելայի տարբեր քաղաքներում նախագահ Նիկոլաս Մադուրոյի դեմ բողոքի ցույցեր են սկսվել։ Այս գիշեր Բոլիվար նահանգի Սան Ֆելիքս քաղաքում ցուցարարներն այրել են Վենեսուելայի նախկին նախագահ Ուգո Չավեսի արձանը։ Այս մասին հայտնում է ՌԻԱ Նովոստին:

Վենեսուելայի ընդդիմադիր խորհրդարանի անդամ Խոսե Օլիվարեսը հայտարարել է, որ բողոքի ակցիաներում մեկ մարդ արդեն սպանվել է:

Հուշարձանը տեղադրվել էր 2018թ․-ին՝ հրամանատարի ծննդյան տարեդարձի կապակցությամբ՝ երկրի կառավարության հաշվին: 2018թ. սկզբին նմանատիպ մեկ այլ արձան պղծվել էր Չավեսի Սաբանետա հայրենի քաղաքում:

Այսօր երկրում նախատեսված են ինչպես իշխանությունների հակառակորդների, այնպես էլ գործող նախագահի կողմնակիցների երթերը:

Հունվարի 10–ին Մադուրոն հաղթել է նախագահական ընտրություններում, սակայն ընդդիմությունը հրաժարվում է ընդունել ընտրությունների արդյունքները՝ Վենեսուելայի իշխանություններին մեղադրելով ժողովրդավարական գործընթացների խախտման մեջ։