Ճապոնիայի նախարարների կաբինետի գլխավոր քարտուղար Յոսիհիդե Սուգան հայտարարել է, որ Ռուսաստանի հետ հաշտության պայմանագրի կնքումը ժամանակ կպահանջի: Այս մասին հայտնում է ТАСС–ը։

Հունվարի 23-ին Տոկիոյում կայացած հերթական ճեպազրույցի ժամանակ Սուգան ընդգծել է՝ այդ հարցը չի կարելի լուծել մի քանի բանակցություններով:

Նա նաև հավելել է՝ Ճապոնիայի վարչապետ Սինձո Աբեի և ՌԴ նախագահ Վլադիմիր Պուտինի՝ հունվարի 22-ին Մոսկվայում կայացած հանդիպման ժամանակ պետությունների ղեկավարներին հաջողվել է «կառուցողական բանակցություններ վարել տարբեր ոլորտների շուրջ»:

Ճապոնիայի նախարարների կաբինետի գլխավոր քարտուղարի խոսքով՝ այդ հանդիպումը հիանալի մեկնարկ էր 2019–ին ռուս–ճապոնական հարաբերությունների համար։

Հիշեցնենք՝ երկու երկրների առաջնորդները քննարկել են իրենց համար ամենավիճելի՝ Հարավային Կուրիլների հարցը։

7or.am