Վրաստանի ուսումնական հաստատություններում այսօրվանից վերսկսվում է ուսումնական գործընթացը: Վրաստանի կրթության, գիտության, մշակույթի և սպորտի նախարարության կոչով մինչ ուսումնական գործընթացի մեկնարկը բոլոր ուսհաստատություններում ախտահանման աշխատանքներ են իրականացվել։

«Վիրուսի տարածումը կասեցնելու նպատակով կոչ ենք անում նաև ուսումնական գործընթացը վերականգնելուց հետո պահպանել մաքրությունը: Խորհուրդ ենք տալիս համապատասխան հեղուկներով մաքրել նստատեղերը, սեղանները, դպրոցական ողջ կահույքը»,- ասված է գերատեսչության տարածած հայտարարությունում:

Գրիպի վիրուսի տարածումից խուսափելու համար ձմեռային արձակուրդները երկարացնելու վերաբերյալ որոշումը ԿԳ նախարարությունը կայացրել էր մոտ 2 շաբաթ առաջ:

Հիվանդությունների վերահսկման և կանխարգելման կենտրոնը տեղեկացնում է, որ Վրաստանում 18 մարդու կյանք խլած H1N1 վիրուսը (հայտնի է խոզի գրիպ անվամբ) նահանջում է։

aliq.ge–ի փոխանցմամբ՝ այս պահին էլ երկրում կարմրուկի բռնկում է։