Սիրիայի հյուսիսում ստեղծվելիք անվտանգության գոտին վերահսկվելու է Թուրքիայի կողմից։ Այդ մասին հայտնել է Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը։ Ինչպես հայտնի է, անվտանգության գոտի ստեղծելու հարցը քննարկվել էր Էրդողանի ու ԱՄՆ-ի նախագահ Դոնալդ Թրամփի վերջին հեռախոսազրույց ժամանակ։

Ըստ Քալընի՝ Թուրքիան շարունակելու է պայքար մղել Սիրիայի քուրդ զինյալների դեմ, որոնց համարում է ահաբեկիչներ

Նա նկատել է տվել, որ Թուրքիայի նպատակներն Իդլիբում փոփոխության չեն ենթարկվել, և Անկարայի համար գլխավոր նպատակն է այդ շրջանում կայունություն հաստատելը։

Էրդողանի մամուլի խոսնակը նաև տեղեկացրել է, որ հունվարի 23-ին Էրդողանը մեկնելու է Մոսկվա, որտեղ ռուսական կողմի հետ քննարկելու է Սիրիայում ամերիկյան զինուժի դուրսբերման հարցը, ինչպես նաև թուրք-ռուսական հարաբերությունների առանցքային խնդիրները։