Անգլիայի Պրեմիեր լիգայի 15-րդ տուրում Լոնդոնի «Արսենալը» «Օլդ Թրաֆորդ» ստադիոնում հյուրընկալվեց «Մանչեսթեր Յունայթեդին»:

Խաղի ընթացքում կողմերը չորոշեցին հաղթողին` 2:2: Հանդիպման հաիվը 26-րդ րոպեին բացեցին «զինագործները»: Լուկաս Տորեյրայի փոխանցումից հետո գոլ խփեց Շկոդրան Մուստաֆին: 30-րդ րոպեին «կարմիր սատանաները» խփեցին պատասխան գնդակը:

Գոլ խփեց Անտոնի Մարսիալը: 68-րդ րոպեին հյուրերին առաջ մղեց Ալեքսանդր Լակազետը, իսկ մեկ րոպե անց տանտերերը հավասարեցրին հաշիվը Ջեսի Լինգարդի խփած գոլի շնորհիվ:

«Արսենալի» կազմում հանդիպմանը մասնակցեց նաև Հայաստանի ընտրանու ավագ, կիսապաշտպան Հենրիխ Մխիթարյանը, ով փոխարինման մտավ երկրորդ խաղակեսի սկզբնամասում:

Այս խաղից հետո «Արսենալը» 31 միավորով մնաց մրցաշարային աղյուսակի 5-րդ տեղում: «Մանչեսթեր Յունայթեդը» 23 միավորով 8-րդ տեղում է:

«Մանչեսթեր Յունայթեդ»-«Արսենալ»` 2:2

Գոլերը` Մարսիալ (30), Լինգարդ (69) - Մուստաֆի (26), Լակազետ (68)

Աղբյուրը՝ armsport.am