Կրեմլում ոչկառավարական կազմակերպություններին առաջարկել են մտածել հայտնի «WikiLeaks» աղմկահարույց կայքի հիմնադիր Ջուլիան Ասանջին խաղաղության Նոբելյան մրցանակի հավակնորդ ներկայացնելու ուղղությամբ։ ՌԴ նախագահի աշխատակազմի աղբյուրն այդ անսպասելի որոշումը բացատրել է Ասանջին օգնելու ռուսական իշխանությունների ցանկությամբ։

Հիշեցնենք, որ նախօրեին Ասանջը ինքնակամ դիմել էր Լոնդոնի ոստիկանություն և հայտնել, որ իր նկատմամբ հարուցված մեղադրանքները չի ընդունվում։

Ներկա պահին Ասանջը պահվում է Անգլիայի ամենախոշոր «Wandsworth» բանտում, որը հայտնի Ուիմբլդոն թենիսի համալիրի մոտակայքում է։ «WikiLeaks»-ի հիմնադիրին տեղավորել են առանձին հատվածում, որտեղ ձերբակալվածների հանդեպ հատուկ հսկողություն է իրականացվում։ Եվ հիմա նա լիովին մեկուսացված է արտաքին աշխարհից, նրա հետ ոչ մի կապ չկա։ Այս մասին հաղորդել է «ИТАР-ТАСС»-ը։